Ифтитоҳи китобхонаи таҷдидгардидаи ба номи Шамсиддин Шоҳин дар вилояти Хатлон
Дар доираи татбиқи барномаи умумимиллии «Фурӯғи субҳи доноӣ — китоб аст» ва дар робита ба эълон гардидани соли 2025 «Соли фарҳанги китобхонӣ», дар вилояти Хатлон маросими тантанавии ифтитоҳи китобхонаи таҷдидгардидаи ба номи Шамсиддин Шоҳин баргузор шуд.
Дар доираи татбиқи барномаи умумимиллии «Фурӯғи субҳи доноӣ — китоб аст» ва дар робита ба эълон гардидани соли 2025 «Соли фарҳанги китобхонӣ», дар вилояти Хатлон маросими тантанавии ифтитоҳи китобхонаи таҷдидгардидаи ба номи Шамсиддин Шоҳин баргузор шуд.
Ин лоиҳа бо дастгирии фаъолонаи Мақомоти иҷроияи ҳокимияти давлатии вилояти Хатлон ва Ташкилоти ҷамъиятии «Ҷуръат» амалӣ карда шуд. Барои ташкилоти мо ин танҳо як ташаббуси инфрасохторӣ нест — ин саҳмгузорӣ дар рушди зеҳнӣ ва фарҳангии кишвар ва дар ташаккули ояндаи ҷавонон мебошад.
Китобхонаи навсозишуда ба фазое табдил ёфт, ки дар он анъана ва технология ба ҳам пайванд мегарданд. Пас аз бозсозии пурра он ба макони муосир ва бароҳат барои хондан, таҳсил ва рушд табдил ёфт. Дар китобхона толори компютерӣ бо таҷҳизоти замонавӣ сохта шудааст. Интернети босуръат ва фонди электронии ҳазорҳо китоб, ки барои ҷустуҷӯй ва боргирӣ дастрасанд, барои расидан ба дониш имкониятҳои зиёдро фароҳам меоранд.
Дар маросими ифтитоҳ Раиси вилояти Хатлон Давлаталӣ Саид, роҳбарони шаҳру ноҳияҳои вилоят ва муассиси ТҶ «Ҷуръат» Хушвахтов С.З. ҳузур доштанд. Ин чорабинӣ намунаи он гардид, ки чӣ тавр давлат ва ҷомеаи шаҳрвандӣ барои ояндаи умумӣ – маориф, дониш ва имконият барои ҷавонон, саъю кӯшишҳои худро муттаҳид месозанд.
Навсозии китобхонаи ба номи Шамсиддин Шоҳин қисми муҳими рисолати васеи ТҶ «Ҷуръат» мебошад: рушди технологияҳо, бедор кардани шавқ ба хондан ва баланд бардоштани сатҳи саводнокии рақамии аҳолӣ. Мо итминон дорем, ки чунин лоиҳаҳо барои ташаккули насли наве, ки ҳам дар олами адабиёт ва ҳам дар олами технологияҳои муосир худро дилпур эҳсос мекунад, мусоидат менамоянд.
Ташкилоти «Ҷуръат» минбаъд низ барои дастгирии ташаббусҳо дар соҳаи маориф ва рақамикунонӣ, васеъ намудани дастрасии ҷавонон ба захираҳои муосир ва тақвият бахшидани ҳамкориҳои худ бо ташкилотҳои давлатӣ ва байналмилалӣ талош хоҳад намуд.
Ифтитоҳи китобхона дар вилояти Хатлон — қадаме ба сӯйи дастрасии ҳар як ҷавон ба дониш, имкониятҳо ва илҳом аст. Зеро кишвари қавӣ аз муҳаббат ба китоб ва эҳтиром ба дониш оғоз меёбад.
