Директори ташкилоти ҷамъиятии «Ҷуръат» Хушвахтов Саъдӣ Зулобиевич дар рафти вохӯрии Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон бо роҳбарон ва фаъолони вилояти мухтори кӯҳистони Бадахшон шарафёби суханронӣ гардид.
Маърака дар Боғи ботаникии шаҳри Хоруғ дар доираи сафари кории Президент ба минтақа доир гардид.
Директори ташкилот дар суханронии худ дар бораи фаъолияти ТҶ «Ҷуръат» дар бахши таълими иловагӣ ва курсҳои таълимии дар ноҳияҳои дурдасти ВМКБ амалкунанда нақл кард.
Вай зикр намуд, ки ба туфайли ин ташаббусҳо сокинони ноҳияҳои дурдаст имконияти воқеии таълим гирифтан аз омӯзгорони донишманд ва пуртаҷриба, аз худ намудани забонҳои хориҷиро пайдо карданд, ки дар пеши мо дурнамои нав ва роҳ ба сӯи ояндаи беҳтарро боз менамояд.
Хушвахтов Саъдӣ Зулобиевич инчунин муваффақияти хатмкунандагони ташкилотро таъкид кард: шунавандагони курсҳо бомуваффақият ба муассисаҳои бонуфузи таълимӣ ҳам дар дохил ва ҳам дар хориҷи кишвар қабул мешаванд, ки самаранокии барномаҳои татбиқшаванда ва сатҳи баланди омодасозиро тасдиқ менамояд.
Фаъолияти ТҶ «Ҷуръат» ҳамчун намунаи ибрати ташаббуси ҷамъиятии ба рушди потенсиали инсонӣ, таҳкими рисолати равшангарӣ ва баланд бардоштани дараҷаи дастрасии таълим дар минтақаҳои дурдасти кишвар нигаронидашуда зикр карда шуд.